Start: Nytorget, år 1125
Stavanger var allereie i 1125 ein sjømatby, og me starter kveldens matoppleving med østers. Hege Ingjerd Hollund frå Arkeologisk museum fortel om bruken av fisk og sjømat i Stavanger i mellomalderen, mellom anna om funn av store mengdar skjell og fiskebein i ulike utgravingar i Stavanger sentrum.
Stopp 2: K2, år 1860
Pedersgata var ei travel matgate allereie på 1800-talet. På eit tidspunkt var det matbutikk i kvart fjerde hus her. Sven Egil Omdal fortel om Pedersgata sin plass i mathistoria til Stavanger. K2 serverer nær mat og fortel om matens veg frå bonden til byen i dag.
Stopp 3: Bellies/Samhold, år 1920
Kvartalet ved Bellies er midt i fabrikk-historia til Pedersgata. Restauranten ligg i den gamle hermetikk-fabrikken Union canning, og rett over gata ligg gamle Samhold (i dag Sollund elektro).
Me er komne fram til år 1920: Bellies fortel om nabolaget sitt før og no, og serverer tidsriktig hermetikk.
Stopp 4: Ostehuset, år 2000 og framover
I 1999 vart Gladmatfestivalen arrangert for første gong. Same år opna Ostehuset sin første butikk. I 2002 kom kokeboka Et på kjøkkenet i Rogaland, ei innsamling av gamle rogalandsoppskrifter og -mattradisjonar.
Kva kan me seie om Matregionen Rogaland, tjuefem år etter den første Gladmat-festivalen? Kva slags bølger og trendar har gått gjennom matmiljøet dei siste tjue åra, og er me no inne i eit nytt oppsving for det nære og tradisjonsrike? Korleis stod det til med kunnskapen om, og interessen for, mattradisjonar rundt år 2000? Kva har skjedd sidan då – og kor går vegen vidare?
Med: Målfrid Snørteland (Jærmuseet, medforfattar av Et på kjøkkenet i Rogaland), Øystein Ohna Lunde (Bellies), Sven Are Ek (ByAuk). Ordstyrar: Marit Størseth
